আগাজত কালা মেঘ
উত্ত্যে
বেই যার বর বুয়ের
বরগাঙত তুবোল
উধি
গোঙে এজের মুজুঙে
উচকার্ পাত্তলি
উচকার্।
এযোক যদ ঝড়-বোয়ের
বারি মারোক তুবোলোর
গঙ্
ধড়’মড়’ গুরি থাক
তুই পাত্তলি
এরি ন দিস ত পাঙেয়ান।
তত্তুন পার ওই
যা পুরিবো
বরগাঙর্ তুবোল
মেহ্রেনেয়
তত্তুন পার ওই
যা পুরিবো
বেঙাহোঙা গাঙ’
নাল ফারিনেয়।
পাত্তলি তুই ন ডরেচ্
তুই উচকারে থাক
জীবনান সার গুরি
লুমা পুরিবো তর
অদ’ জাগাত।
নিরন চাকমা
রচনাকাল : ২৬.০৭.২০২০