পূর্ণস্বায়ত্তশাসন ও ইউপিডিএফ নিয়ে দু’টি গান

 (১)

পূর্ণস্বায়ত্তশাসন

পূর্ণস্বায়ত্তশাসন

পূর্ণস্বায়ত্তশাসন।।

এই অধিকারান আমার

লাগিবোই লাগিবো

লাগিবো লাগিবো লাগিবো

এই অধিকারান।।

এই অধিকারান পেলে

হিল চাদিগাঙ' বুগোত

যেদুক্কুন আঘি চিগোন চিগোন জাদ

বেগর ভালেদী অব’

ভালেদী অব’ ভালেদী অব’ ভালেদী অব’

এই অধিকারান পেলে।।

এঝনা, বেগে মিলি এক যধা ওই

লাড়েই গুরিনেই

এই অধিকারান কাড়ি আনিওই

কাড়ি আনিওই, কাড়ি আনিওই, কাড়ি আনিওই

এই অধিকারান। (ঐ)

নিরন চাকমা
রচনাকাল: ২৪.০৭.২০২০

(২)

ইউপিডিএফ
ইউপিডিএফ 
ইউপিডিএফ।।

আমা আওজোর ইউপিডিএফ

আমা পরানর ইউপিডিএফ

আমা বেগর ইউপিডিএফ।

সিদিম পেইয়া মানেইয়র ইউপিডিএফ

হিল চাদিগাঙর ইউপিডিএফ

জুম্ম জাদর ইউপিডিএফ। (ঐ)

পূর্ণস্বায়ত্তশাসন আনিবার লাড়েইয়ত

জাগা-জুমি, ঘরভিদে বাজেবার লাড়েইয়ত

মোন মুড়ো, তারুম ঝাড়ানি দোলেদালে রাগেবার লাড়েইয়ত

তারেং রিজেং, ছড়াছড়ি বাজে রাগেবার লাড়েইয়ত

আঘে আমার ইউপিডিএফ।।

মা বোনর ইজ্জত বাজেবার লাড়েইয়ত

জুম্ম জাদর নিজেনি টিগে রাগেবার লাড়েইয়ত

দুগোত্তুন সরান পেবার লাড়েইয়ত

আঘে আমার ইউপিডিএফ।। 

জাদ’ ভাচ-আল্যাক বাজে রাগেবার লাড়েইয়ত

জাত্তোরে এগ্ গুরিনেয় মুজুঙে আহদিবার লাড়েইয়ত

চিগোন গুরোউনোর মুজুঙো দিনুন

দোল গরানার লাড়েইয়ত

আঘে আমার ইউপিডিএফ ।। 

চেঙে মেয়োনি, কাজলং, শঙ্খ, মাতামুহুরি বরগাঙ’ বুগোত

আলুটিলা, ফুরোমোন, তহজিংডং,

ভূলোংতুলি, হেডোশিরে মোন, ভুজুলি চুগোত

আঘে আমার ইউপিডিএফ। (ঐ)

লামি এযোক যদ্ ঝড় বুয়ের

ঘনেই এযোক যদ্ আন্ধার

তুও ন থামেব’ ইউপিডিএফঅর লাড়েই

কারর্ চোগ জ্বলানি ন ডোরেই

অধিকার কাড়ি আনানার লাড়েইয়ত

বুগদি মুজুঙে উজেই যেনেই

জাদর ভালেদী আনিব ইউপিডিএফ। (ঐ)

নিরন চাকমা
রচনাকাল: ২৪.০৭.২০২০